कर्मयोगी संत प.पू.शुकदास महाराजांनी सुरू केलेले मानवसेवेचे विविध उपक्रम सर्व जाती,धर्माच्या भल्यासाठी, उत्कर्षासाठी आहे. स्वामी विवेकानंदांचा विश्वबंधूत्वाचा दिव्य विचार प.पू. शुकदास महाराजांनी समाजामध्ये खèया अर्थान रूजविला. विवेकानंद आश्रम ही सर्व जाती,धर्म,पंथाच्या सेवेसाठी झटणारी संस्था आहे. कर्मयोगी संत शुकदास महाराजांनी जनसेवेसाठी स्थापन केलेला हा विवेकानंद आश्रम जणू सामाजिक एकात्मतेची पंढरीच आहे असे भावपूर्ण उद्गार जिल्हयाचे नवनिर्वाचित पोलीस अधिक्षक डॉ.दिलीप पाटील भुजबळ यांनी बोलतांना काढले. पोलीस विभागाने विवेकानंद आश्रमात आयोजित केलेला सामाजिक ऐक्य परिषदेत गुरूवारी ते बोलत होते.
कार्यक्रमाची सुरूवात कर्मयोगी संत प.पू.शुकदास महाराजांच्या प्रतिमेचे पूजन व दिप प्रज्वलन करून करण्यात आली. शाहिर सज्जनसिंग राजपूत यांच्या महाराष्ट्र गीताने झाली. कार्यक्रमाच्या अध्यक्षस्थानी विवेकानंद आश्रमाचे जेष्ठ विश्वस्त दादासाहेब मानघाले होते तर प्रमुख वक्ते म्हणून नगरचे राष्ट्रीय कीर्तनकार हभप गजाननदादा शास्त्री महाराज,कौमी एकता परिषदेचे ब्रँड अ‍ॅम्बेसेडर शेख सलालुद्दीन हे होते. कार्यक्रमाच्या सुरूवातीला प.पू.शुकदास महाराजांच्या समाधी स्थळाचे दर्शन घेवून मान्यवरांचे व्यापीठावर आगमन झाले. विवेकानंद आश्रमाचे अध्यक्ष आर.बी.मालपाणी व उपाध्यक्ष अशोक थोरहाते,सहसचिव आत्मानंद थोरहाते यांनी मान्यवरांचे शाल,श्रीफळ देवून स्वागत केले. उपस्थित नागरीकांकडून सामाजिक प्रतिज्ञा घेण्यात आली. राष्ट्रगीताने कार्यक्रमाची सांगता झाली. या कार्यक्रमाचे प्रास्ताविक सचिव संतोष गोरे यांनी तर बहारदार सूत्रसंचालन सुजित दिवटे यांनी केले. या कार्यक्रमाच्या यशस्वीतेसाठी मेहकरचे पोलीस उपविभागीय अधिकारी रामेश्वर वैंजने,देऊळगांव राजाचे पोलीस उपविभागीय सिंग भिमानंद नलावडे, सिंदखेड राजाचे सपोनि बळीराम गिते,लोणारचे पीएसआय राजेद्र माळी,सपोनि शेवाळे,अंढरा पोलीस स्टेशनचे सपोनि विनायक कोरेगांवकर,डोणगांवचे सपोनि माळवे,जानेफळ सपोनि साबळे,बीबीचे सचिन यादव,साखरखेर्डा ठाणेदार सचिन शिंदे,पीआय दिपक राणे,गजानन मुंढे,बिट जमादार चव्हाण यांच्यासह साखरखेर्डा पोलीस स्टेशनचे कर्मचारी यांनी अथक परिश्रम घेतले.
ठाणेदार सचिन शिंदे यांचा सत्कार
साखरखेर्डा पोलीस स्टेशनला आएसओ नामंकन मिळाल्याबद्दल पोलीस अधिक्षक डॉ.दिलीप भुजबल पाटील यांच्या हस्ते ठाणेदार सचिन शिंदे यांचा शाल,श्रीफळ व पुष्पगुच्छ देवून यावेळी सत्कार करण्यात आला.
विवेकानंद आश्रम मानवसेवेचे व्यासपीठ
कर्मयोगी संत प.पू.शुकदास महाराजांच्या अनुभूतीतून जोपासले गेलेले धर्म ऐक्य व सद्यपरिस्थीत आवश्यक असलेले एकात्मतेचा विचार समान आहे. उत्सवांच्या कालावधीत सामाजिक ऐकापा कायम राहण्यासाठी जिल्हा पोलीस प्रशासन करीत असलेले प्रयत्न स्पृहनीय आहेत असे उद्गार हभप गजाननदादा शास्त्री महाराज यांनी काढले.
संतोष श्री. थोरहाते
पत्रकार,दैनिक सकाळ तथा पर्यावरण मित्र
'श्रीनिवास' विवेकानंद नगर,हिवरा आश्रम
ता.मेहकर जि.बुलडाणा
मो.९९२३२०९६५८
कोणत्याही टिप्पण्‍या नाहीत:
टिप्पणी पोस्ट करा