संतोष थोरहाते

येथील कर्मयोगी संत प . पू . शुकदास महाराज संस्थापित विवेकानंद कृषी महाविद्यालयातील विद्यार्थ्यांनी कबड्डी स्पर्धेत विद्यापीठस्तरावर यश संपादन केले . डॉ . पंजाबराव देशमुख कृषी विद्यापीठ अकोला अंतर्गत आंतर महाविद्यालयीन कबड्डी स्पर्धाचे आयोजन दि . ३ ऑक्टोंबर ते ४ ऑक्टोंबर रोजी देऊळगांव राजा येथील समर्थ कृषी महाविद्यालय येथे पार पडल्या . या आंतरमहाविद्यालयीन कबड्डी स्पर्धेमध्ये ५६ महाविद्यालयाच्या संघानी भाग घेतला होता . सदर कबड्डी स्पर्धेमध्ये विवेकानंद कृषी महाविद्यालयातील मुलांच्या कबड्डी संघाने व्दितीय क्रमांक पटकावून विद्यापीठ स्तरावर घवघवीत यश संपादन केले . यामध्ये संघाचे कप्तान विशाल गालट , अमोल काळे , वैभव चांदणे , अनंता अंभोरे , निखील लाहे , गोकुळ बेलोकार , पवन बोरकर , शुभम अरू , रोहीत ओेहरे , वैभव इंगळे , देवेंद्र काळे , ॠषिकेश शिंदे या खेळाडूंचा समावेश होता . विवेकानंद कृषी महाविद्यालयाच्या कबड्डी संघाला प्रा . रवींद्र काकड यांचे मार्गदर्शन लाभले होते . या खेळाडूंचे विवेकानंद ...

मानव आणि इतर सजीवांच्या तुलनेत हे जग समृध्द , जीवन जगण्यास उपयुक्त आणि सुंदर करण्यासाठी मानवाने आपल्या बुध्दीचा वापर केला तर मानवेत्तर सजीवांनी सृष्टीचे सौंदर्य अबाधित राखले . मानवी जीवनाला लाभलेली उंची ही त्याला त्यांच्या जगण्याचे महत्व , जगण्याची दिशा व त्याच्या सामर्थ्यांची जाणिव झाल्यावरच कळते . थोरा , मोठयांचे विचार वाचूनच जीवनाला कलाटनी मिळते . ज्ञानेश्वर , तुकाराम , विवेकानंद , गांधी , टागोर , कबीर , मुन्शी प्रेमचंद , आंबडेकर यांनी विपुल लेखन केले . त्यामागे वाचनाची सुप्त शक्ती दडलेली होती . वाचनाने शब्द साठा तर वाढतोच , शब्दांचे अर्थ उमगायला लागले की विचारांचे महत्व कळते आणि सुविचार   हे मनाचे खाद्य असल्याचे संत साहित्याचे अभ्यासक तथा विवेकानंद आश्रमाचे सचिव संतोष गोरे यांनी दैनिक सकाळशी सोमवारी ता . १४ मुलाखती दरम्यान प्रकाशझोत टाकला . दरम्यान वाचन यथार्थ जीवनाचा पथदर्शक असल्याचे त्यांनी सांगीतले . यावेळी पुढे बोलतांना गोरे म्हणाले की , केवळ पदवी पर्यंत शिक्षण घेतले...