फिरते दुकान ठरले दिव्यांगाच्या उपजीवीकेचे साधन !

 मुश्किलों से भाग जाना आसान होता है...हर पहलू जिंदगी  का इम्तिहान होता है...डरने वाले को मिलता नही कुछ जिंदगी  मे...लडने वालो के कदमो में जहान होता है... आयुष्यातील  संघर्षाच्या बळातूनज्याला जगण्याची उमीद येते...घामाच्या धारातून ज्याला आशेचा किरण दिसतो..पावलोपावली लागणा-या ठेचेमुळे  ज्याला जगण्याच बळ मिळते तो कुठल्याही परिस्थितीत यशस्वी झाल्याखेरीज राहवत नाही. याचाचप्रत्यय हिवरा आश्रम येथील संजय आनंदा कांबळे या दिव्यांगाकडे पाहल्यानंतर येतो. लहानपणीच पोलीओमुळे अपंगत्व आले. संजय कांबळे यांच्या घरीची परिस्थीती अत्यंत हालाकीची असल्यामुळे कामासोबत शिक्षणघेतले. अपंगत्वावर मात करीत कसेबसे दहावी पर्यंत शिक्षण पूर्ण केले. कुटूंबाचा उदहनिर्वाह चालविण्यासाठी तीन चाकी सायकलवर छोटेखानी गोळया बिस्किटचे दुकान सुरू केले. या तीन चाकी सायकलवरील फिरत्या दुकानांमुळे संजयला दिवसाला १०० ते १५० रूपये पर्यंत मजूर मिळते. गोळया बिस्किटमुळे कुटुंबाला मोठी आर्थिक मदत मिळत असल्याचे दैनिक सकाळशी बोलतांना संजय ने सांगीतले.

दिव्यांगांनी  स्वतःवर आत्मविश्वास ठेवल्यास दिव्यांग सुध्दा आपल्या कष्टाच्या व मेहनतीच्या जोरावर कुठल्याही व्यवसायात प्रगती साधू शकतात हे दाखवून दिले आहे. दिव्यांगांनी रोजगाराच्या संधीची वाट न पाहतारोजगार कसा निर्माण होईल याकडे लक्ष केंद्रित केल्यास दिव्यांगांचे जीवन आनंदी झाल्याशिवाय राहत नाही.

गोळया बिस्किटाचे फिरते दुकान

हिवरा आश्रम येथील दिव्यांग संजय कांबळे हे कल्पक बुध्दमत्तेचे धनी आहेत. तीन चाकी सायकलवरती सुध्दा गोळया बिस्किटाची फिरती दुकानाची त्यांना कल्पना सुचली. तीन चाकी सायकलवरती गोळया बिस्किटच्याभरणी बसतील अशाप्रकारचे लोखंडी रॅक तयार केले. तीन चाकी सायकलवरील फिरत्या गोळया बिस्किटच्या दुकानामुळे  त्यांना मोठा फायदा झाला.

दिव्यांगांनी थोडयाशा अपयशाने हताश,निराश न होता आत्मविश्वासाने कुठलाही व्यवसाय सुरू केला तर तो यशस्वी होतो. दिव्यांगांनी आपल्यातील न्यूनगंड दूर केल्याशिवाय प्रगती साधता येत नाही याकडे लक्ष देणेगरजेचे आहे.

                                                                               संजय आनंदा कांबळे,दिव्यांग व्यावसायीक हिवरा आश्रम

संतोष श्री. थोरहाते

पत्रकार,दैनिक सकाळ

'श्रीनिवास' विवेकानंद नगर,हिवरा आश्रम

ता.मेहकर जि.बुलडाणा

मो.९९२३२०९६५८