साखरखेर्डा येथील युवा गझलकार योगेश पुंडलिक
देवकर यांना साहित्य क्षेत्रातील भरीव कामगिरीबद्दल रविवारी युथ आयकॉन
अवार्ड देऊन सन्मानीत करण्यात आले.
सृष्टी बहुउद्देशीय युवा संस्था अकोला व तरुणाई
फाऊंडेशन खामगाव यांच्या संयुक्त विद्यमानाने राज्यस्तरीय युवा साहित्य
संमेलनाचे कोल्हटकर स्मारक मंदिर खामगाव आयोजन करण्यात आले होते. मनोहर नागे
यांच्या हस्ते योगेश देवकर यांना युथ आयकॉन आवार्ड, सन्मानचिन्ह, शाल, ग्रामगीता
देवून सन्मानित करण्यात आले. युवा साहित्यीकांच्या प्रतिभेला हक्काची जागा मिळवून
देण्यासाठी आणि विविध क्षेत्रातील युवा प्रतिभावंतांचा सन्मान व्हावा या उद्देशाने
या राज्यस्तरीय युवा साहित्य संमेलनामध्ये बुलडाणा जिल्हयातील विविध क्षेत्रातील
कर्तृत्वान तरुणांना युथ आयकॉन अवार्डने सन्मानीत करण्यात आले.यावेळी खासदार
प्रतापराव जाधव, डॉ. श्रीपाद भालचंद्र जोशी, संमेलनाध्यक्ष नवनाथ गोरे, माजी
संमेलनाध्यक्ष चला हवा येऊ द्या फेम हास्यसम्राट किशोर बळी, नरेंद्र
लांजेवार,अभिनेते गणेश देशमुख,अरविंद शिंगाडे,मधुकर वडोदे,एजाज खान तथा आदि
उपस्थित होते.
साहित्यक्षेत्रातून कौतुकाचा वर्षाव
आद्य मराठी गझलकार अमृतराय यांच्या जन्मभूमीत
जन्मलेल्या युवा गझलकार योगेश देवकर यांना हा युथ आयकॉन पुरस्कार मिळाल्याबद्दल
योगेश देवकर यांचे साहित्य क्षेत्रातून कौतुक होत आहे. योगेश देवकर यांच्या जखमा
नव्या युगाच्या कवितासंग्रह खूप लोकप्रिय ठरला होता. याशिवाय युटूबर अनेक कवीता
प्रसिध्द झाल्या आहेत.
संतोष थोरहाते
पत्रकार तथा प्रेरणादायी व्याख्याता
'श्रीनिवास' विवेकानंद नगर,हिवरा आश्रम
ता.मेहकर जि.बुलडाणा
मो.९९२३२०९६५८
वाह वाह.....
उत्तर द्याहटवाखूप अभिमानास्पद
अभिनंदन दादा