येथील कर्मयोगी संत प.पू.शुकदास महाराज संस्थापित विवेकानंद विद्या मंदिर व कनिष्ठ महाविद्यालयातील विद्यार्थी मैदानी स्पर्धेत बाजी मारून या विद्यार्थ्यांची जिल्हास्तरावर निवड झाली. मेहकर येथील क्रीडा संकुलावर ता.२४ रोजी पार पडलेल्या शालेय मैदानी स्पर्धेत प्रथम,व्दितीय व तृतीय क्रमांक पटकाविला असून या विद्यार्थ्यांची जिल्हास्तरीय स्पर्धेसाठी निवड झाली आहे. यामध्ये १५०० मीटर धावणे स्पर्धेत कैलास काकड व्दितीय तर,उंच उडी मध्ये शुभम वडतकर प्रथम,२०० मीटर धावणे अमोल पेटकर प्रथम, ८०० मीटर धावणे गजानन जाधव व्दितीय,१०० मीटर धावणे मंगेश राठोड व्दितीय,३०० मीटर धावणे राजेश चेके प्रथम, तर ३०० मीटर धावणे मयुर डुकरे व्दितीय, ४०० मीटर धावणे शिवाजी मुळे तृतीय, तर १४ वर्ष वयोगटा आतील मुले/ मुली मधून नचिकेत सावळे गोळा फेक प्रथम,प्रविण जोडणर गोळा फेक तृतीय,
शिवाजी पाटील लांब उडी व्दितीय,४ x १०० रिले संघ प्रथम यामध्ये रोहित ढवळे,शिवाजी पाटील,हरिओम भालेराव,नचिकेत साळवे,कु.महालक्ष्मी चिखलकर ४०० मीटर धावणे व्दितीय
सदर विजयी विद्यार्थ्यांची तयारी क्रीडा शिक्षक रणजित जाधव,आत्मानंद थोरहाते,गोविंद अवचार,श्याम खरात यांनी करून घेतली. विवेकानंद आश्रमाचे अध्यक्ष आर.बी.मालपाणी, उपाध्यक्ष अशोक थोरहाते,सचिव संतोष गोरे,सहसचिव विष्णुपंत कुलवंत,आत्मानंद थोरहाते,विवेकानंद विद्या मंदिराचे मुख्याध्यापक कैलास भिसडे,उपप्राचार्य अशोक गि-हे,पर्यवेक्षक देवेंद्र मोरे,आत्माराम मोरे यांनी खेळांडूचे अभिनंदन करून पुढील स्पर्धेसाठी शुभेच्छा दिल्या.
कोणत्याही टिप्पण्या नाहीत:
टिप्पणी पोस्ट करा