सावित्रीच्या लेकीची डेअरी व्यवसायात झेप

जिद्द,चिकाटी,मेहनत व कठोर परिश्रमाच्या जोरावर ग्रामीण भागातील महिला सुध्दा आपल्या कर्तृत्वाने यशाची शिखरे यशस्वीपणे पादाक्रांत करू शकतात याचाच प्रत्यय हिवरा आश्रम येथील सुशिक्षीत महिला सौ.मनिषा एकनाथ आव्हाळे यांनी सुरू केलेल्या आदित्य दुध डेअरी अ‍ॅन्ड डेली निडस या व्यवसायाच्या रूपाने दिसून येतो. ग्रामीण महिला सुध्दा कुठलाही व्यवसाय तितक्याच यशस्वीपणे सुरू करू शकतात ही प्रेरणा इतर  महिलांना दिली आहे.  मनिषा आव्हाळे यांनी दुध डेअरी या पुरूषांच्या मक्तेदारी असलेल्या व्यवसायात त्यांनी भरभक्कमपणे पाय रोवले आहे. दुध संकलन व वितरणातून त्यांनी आर्थिक प्रगती साधली आहे.

कौटुंबिक जबाबदारी पार पाडत हिवरा आश्रम सारख्या खेडयात दुध संकलन व वितरणाचा व्यवसाय यशस्वीपणे पार पाडला. त्यांनी सुरू केले या व्यवसायातून इतर महिलांसाठी त्या ऑयकॉन ठरत आहेत. ग्रामीण भागात महिला व्यवसायीका म्हणून त्यांनी आपली ओळख निर्माण केली. मनिषा एकनाथ आव्हाळे या उच्चशिक्षीत असून त्यांनी दुध डेअरी व्यवसाय सुरू करण्याचा मानस पती एकनाथ आव्हाळे यांच्या कडे व्यक्त करून पतीच्या होकारा नंतर हा व्यवसाय समर्थपणे सुरू केला आहे. दुध संकलनाचा व्यवसाय परवडत नाही म्हणून अनेकांनी दुध संकलन व्यवसायाकडे पाठ फिरवीली असतांना योग्य गुणवत्ता व योग्य नियोजनातून मनिषा एकनाथ आव्हाळे यांनी ग्रामीण भागात दुध संकलनाचा व्यवसायात यशस्वी होवू शकतो हे सिध्द केले आहे. मनिषा आव्हाळे यांनी व्यवसायातील चिकाटीने दुध संकलन व्यवसाय यशस्वी केला महिलांनी प्रत्येक क्षेत्रात आपल्या कर्तृत्वाने आपला ठसा उमटवला आहे. दुध व्यवसायिकांच्या दुधाला फॅटनुसार चांगला भाव मिळतो. या डेअरीमध्ये दररोज १५० ते २०० लिटर गायी,म्हशीच्या दुधाचे संकलन केल्यानंतर ग्राहकांना दुधाचे वितरण होते.

मुल्यवर्धित उत्पादनांची निर्मिती

प्रत्येक हंगामानुसार पदार्थाची मागणी कमी-जास्त होत असते. पनीरला दररोज म्हणजे पाच किलोपर्यंत मागणी राहते. हंगामात दिवसाला २० लिटर दही, ताक विक्री होते. दुध संकलन व्यवसायात अतिरीक्त दुधापासून दही,तुप,पनीर,ताक,श्रीखंड अशी उत्पादनाची निर्मिती करून मनिषा आव्हाळे यांनी  दुध संकलन व्यवसायाचे अर्थकारण सुधारले आहे. 

२०० ते ३०० लिटर दुधाचे संकलन व वितरण

हिवरा आश्रम ही जवल्पासच्या ३० ते ४० गावाची मोठी बाजारपेठ आहे. हिवरा आश्रम येथे मोठा नोकरदार वर्ग असल्यामुळे येथे मोठ्या प्रमाणात दुधाची विक्री होते. आदित्य दुध डेअरी अ‍ॅन्ड डेली निडस मध्ये दररोज जवळपास २०० ते ३०० लिटर दुधाचे संकलन व वितरण होते.

ग्रामीण भागातील महिलांनी  आत्मविश्वासाने व्यवसाय सुरु केला तर यश मिळतेच. या भावनेतून दूध डेअरी सुरु केला.

                                                        मनीषा एकनाथ आव्हाळे.हिवरा आश्रम

संतोष थोरहाते

पत्रकार तथा प्रेरणादायी व्याख्याता

'श्रीनिवास' विवेकानंद नगर,हिवरा आश्रम

ता.मेहकर जि.बुलडाणा

मो.९९२३२०९६५८

'स्टॅच्यू ऑफ ह्युमिनिटी' ठरणार विवेकानंदांचा सर्वाधिक उंच पुतळा!

स्वामी विवेकानंदांच्या ओजस्वी विचारांचा ग्रामीण भागात प्रचार प्रचाराचे अद्भूत काम कर्मयोगी संत प.पू.शुकदास महाराजांनी आयुष्यभर केले. जगभरातील युवकांसाठी विवेकानंद आश्रम प्रेरणाकेंद्र बनले आहे. विवेकानंद आश्रम हे देशभरातील पर्यटकांसाठी आकर्षण केंद्र ठरले असून, वर्षभरात तब्बल तीन लाखांपेक्षा जास्त पर्यटकांनी आश्रमास भेट दिली आहे. आश्रमाच्यावतीने कोराडी नदीच्या जलाशयात स्टॅच्यु ऑफ ह्युमिनिटी या विवेकानंद स्मारकाचे निर्माण कार्य सुरु असून, या स्मारकावरील विवेकानंदांचा पुतळा हा तब्बल ४० फूट उंचीचा राहणार आहे. विवेकानंदांच्या आजपर्यंतच्या पुतळ्यांत हा सर्वाधिक उंचीचा पुतळा असेल, अशी माहिती विवेकानंद आश्रमाचे सचिव संतोष गोरे यांनी दिली आहे.

कोराडी नदीच्या जलाशयात नैसर्गिकरित्या निर्माण झालेल्या बेटावर विवेकानंद स्मारक उभारणे हे पू. शुकदास महाराज यांचे भव्य स्वप्न होते. हे स्वप्न साकार करण्यासाठी विवेकानंद आश्रमाचे विश्वस्त मंडळ परिश्रम घेत आहेत. तब्बल सहा एकराचे हे बेट असून ९९ वर्षाच्या करारावर ते राज्य सरकारने विवेकानंद आश्रमास दिलेले आहे. हे बेट विकसित करण्यासाठी आश्रमाने आजपर्यंत एक कोटी रुपयांपेक्षा अधिक खर्च केला असून, आणखी दोन कोटींचा खर्च अपेक्षित आहे. स्टॅच्यू ऑफ ह्युमिनिटी या विवेकानंद स्मारकावर येर्णाया प्रत्येकाला विवेकानंदांच्या कार्याचा परिचय व्हावा. पू. शुकदास महाराज यांच्या संकल्पनेतील ध्यानधारणा त्यांनी करावी व नैसर्गिक वनराईच्या सानिध्यात त्यांना आत्मबोध व्हावा, यासाठी विवेकानंद आश्रम तब्बल तीन कोटी रुपयांच्या प्रकल्प खर्चात हे विवेकानंद स्मारक साकारत आहे.

तीन लाख पर्यटकांनी दिल्या भेटी

विवेकानंद स्मारकाचे बहुतांश काम पूर्ण झाले असल्याने विवेकानंद आश्रम व हरिहरतीर्थ येथे भेट देण्यासाठी देशभरातून पर्यटक स्टॅच्यू ऑफ ह्युमिनिटीसही आवर्जुन भेट देत आहेत. गेल्या वर्षभरात तब्बल तीन लाखांपेक्षा जास्त पर्यटकांनी विवेकानंद आश्रमाचा नयनरम्य परिसर, हरिहरतीर्थ व विवेकानंद स्मारकास भेट दिली.

असे राहणार स्टॅच्यू ऑफ ह्युमिनिटी स्मारक

 स्टॅच्यू ऑफ ह्युमिनिटी असे या स्मारक प्रकल्पाचे नाव राहणार असून या स्मारकावर विवेकानंदांचा भव्य आणि अतिउंच असा पुतळा उभारला जात आहे. सद्या येथे १५ फूट उंचीचा पुतळा असून, त्याची उंची ४० फूट केली जाईल, तसेच, ध्यान केंद्र, नैसर्गिक वनराई आणि नारळाच्या झाडांची बाग असे या स्मारकाचे स्वरुप राहणार आहे. त्यामुळे समुद्रकिना-यावर बसून ध्यान करत असल्याचा अनुभव पर्यटकांना येणार आहे.

६ एकरावर साकारणार भव्य विवेकानंद स्मारक

कोराडी नदीच्या जलाशयात नैसर्गिकरित्या निर्माण झालेल्या बेटावर विवेकानंद स्मारक उभारणे हे पू. शुकदास महाराज यांचे भव्य स्वप्न होते. हे स्वप्न साकार करण्यासाठी विवेकानंद आश्रमाचे विश्‍वस्त मंडळ परिश्रम घेत आहेत. तब्बल सहा एकराचे हे बेट असून ९९ वर्षाच्या करारावर ते राज्य सरकारने विवेकानंद आश्रमास दिलेले आहे. हे बेट विकसित करण्यासाठी आश्रमाने आजपर्यंत एक कोटी रुपयांपेक्षा अधिक खर्च केला असून, आणखी दोन कोटींचा खर्च अपेक्षित आहे.

युवकांसाठी विवेकानंद स्मारक ठरणार उर्जास्त्रोत
स्वामी विवेकानंद यांचे चरित्र व ओजस्वी विचारांचा फार मोठा प्रभाव जगभरातील युवकांवर आहे. विवेकानंद आश्रम कोरडी जलाशयात सहा एकराच्या बेटावर नैसर्गिकरित्या निर्माण झालेल्या बेटावर विवेकानंद स्मारक साकारत आहे. या विवेकानंद स्मारकाला भेटी देण्यासाठी जगभरातून युवक मोठ्या संख्येने विवेकानंद आश्रमात येईल. 'स्टॅच्यू ऑफ ह्युमिनिटी' हे जगभरातील युवकांचे उर्जास्त्रोत ठरणार आहे.

संतोष थोरहाते

पत्रकार तथा प्रेरणादायी व्याख्याता

'श्रीनिवास' विवेकानंद नगर,हिवरा आश्रम

ता.मेहकर जि.बुलडाणा

मो.९९२३२०९६५८

विवेकानंद आश्रम देणार शेतक-यांना मोफत कृषिसल्ला !

बुडते हे जन देखवेना डोळा बुडत। म्हणोनि कळवळा येतो आम्हां या तुकाराम महाराजांच्या अभंगाप्रमाणे संतांनी वेळोवेळी समाजाच्या हिताचाच विचार केला. समाजाची अधोगती होऊ नये म्हणून त्यांना वेळोवेळी हितोपदेश केला.या न्यायाने कर्मयोगी संत प पू शुकदास महाराज यांनी एका दशका अगोदरच सेंद्रिय शेतीची कास धरा असे शेतकरी बांधवांना आवाहन केले होते. विषमुक्त  अन्न पिकविण्यासाठी व त्याकरिता ग्रामीण भागातील शेतक-यांना मोफत मार्गदर्शन करण्यासाठी कर्मयोगी संत प.पू. शुकदास महाराज संस्थापित विवेकानंद आश्रमाने पुढाकार घेतला असून, विवेकानंद कृषी महाविद्यालयातील तज्ज्ञ प्राध्यापकांमार्फत मोफत कृषी सल्ला व सेवा देण्यात येणार असल्याची माहिती विवेकानंद आश्रमाचे अध्यक्ष आर. बी. मालपाणी व उपाध्यक्ष अशोक थोरहाते यांनी दिली आहे. 

रासायनिक खतांचा झालेला अतिरेकी वापर, पिकांवर फवारणी करण्यात आलेली कीड व कीटकनाशके यांचा अंश पिकांत उतरून माणसे कर्करोगाची भक्ष्य झाली आहेत, असा सिद्धांत कर्मयोगी संत तथा कृषितज्ञ प. पू. शुकदास महाराज यांनी दशकभरापूर्वी  मांडला होता. 

समाजाचे स्वास्थ्य चांगले रहावे, विषमुक्त अन्नाची निर्मिती व्हावी, यासाठी विवेकानंद आश्रमाने पुढाकार घेतला असून, त्यासाठी विवेकानंद कृषी महाविद्यालयामार्फत मोफत कृषी सल्ला व मार्गदर्शन केंद्र सुरु केल्या जात आहे. अक्षय्य तृतीयेच्या मुहुर्तावर मंगळवार ता.७ रोजी हे केंद्र विवेकानंद आश्रमाच्या परिसरातील कृषी महाविद्यालयात सुरु होत आहे. 

कर्मयोगी संत प.पू.शुकदास महाराजांकडे येणा-या बहुतांश कॅन्सर रुग्णांचा त्यांनी अभ्यास केला असता, त्यांच्या असे निदर्शनास आले, की कॅन्सरसाठी भाजीपाला, कडधान्ये व फळे यांच्यामार्फत पोटात गेलेले विषारी घटक, कीड व कीटकनाशकांचे अंश हे त्याला कारणीभूत आहेत. कीटकनाशके, बुरशीनाशके आणि जंतुनाशकांची केली गेलेली फवारणी आणि रासायनिक खतांचा झालेला वापर व त्यातील रसायने धान्ये, भाज्या व फळांमध्ये उतरतात. हे अंश अन्नाद्वारे खाण्यातून रक्तापर्यंत पोहोचतात. त्यांचा रक्तघटक आणि रक्तातल्या पेशींवर परिणाम होतोव त्यातून कर्करोग होतो, असे पू. शुकदास महाराज यांनी सांगितले होते.

तज्ञ प्राध्यापक करणार मार्गदर्शन 

विवेकानंद कृषी महाविद्यालयाचे तज्ज्ञ प्राध्यापक सकाळी ८ ते ९ व सायंकाळी ५ ते ६ यावेळात शेतकèयांना मोफत मार्गदर्शन करणार आहेत. त्यात कृषी कीटकशास्त्र विभागाचे प्रा. एस. पी. काकडे (९९६०६८६१८२) व डॉ. बी. एन. भोंडे (८३७८८४४८४८), वनस्पती विकृती शास्त्र विभागाचे प्रा. व्ही. बी. हमाने (९५५२१६९६५८) व आर. आर. काळे (९६८९३३३९६६), तर कृषी विद्या विभागाचे प्रा. एस. डी. जाधव (८८०५३१३९०९) यांचा मार्गदर्शक मंडळात समावेश आहे.

ग्रामीण कृषक पुत्रांना मिळणार कृषी सल्ला 

समाजाचे स्वास्थ्य चांगले राहण्यासाठी ग्रामीण भागातील शेतकरी बांधवांनी विषमुक्त शेती करण्यावर भर द्यावा हि कर्मयोगी संत प पू शुकदास महाराजांची इच्छा होती. विषमुक्त अन्नाची निर्मिती व्हावी, यासाठी विवेकानंद आश्रमाने पुढाकार घेतला असून, त्यासाठी विवेकानंद कृषी महाविद्यालयामार्फत मोफत कृषी सल्ला व मार्गदर्शन केंद्र सुरु केल्या जात आहे. अक्षय्य तृतियेच्या मुहुर्तावर (दि.७ मे) हे केंद्र विवेकानंद आश्रमाच्या परिसरातील विवेकानंद कृषी महाविद्यालयात सुरु होत आहे. या केंद्रामार्फत शेतकर्‍यांना शेतीविषयक सर्वतोपरी मार्गदर्शन करण्यात येणार असून, माती व पाणी परीक्षण करण्यात येऊन मातीचा पोत पाहून कृषी निविष्ठाविषयक सल्लाही देण्यात येणार आहे.

  

सेंद्रिय खते पुरविण्यासाठी आश्रमाचा पुढाकार 

विवेकानंद आश्रमाच्या तब्बल दीडशे एकर शेतीत विविध नाविन्यपूर्ण प्रयोग करणारे निष्काम कर्मयोगी संत पू. शुकदास महाराज यांनी बासमती गहू, पिवळी ज्वारी यासह काही वाणांचे संशोधन केलेले आहे. तब्बल दीडकोटी रुग्णांना व्याधीमुक्त करणारे ते उत्कृष्ट डॉक्टरही होते. त्यांच्याकडे येणार्‍या बहुतांश कॅन्सर रुग्णांचा त्यांनी अभ्यास केला असता, त्यांच्या असे निदर्शनास आले, की कॅन्सरसाठी भाजीपाला, कडधान्ये व फळे यांच्यामार्फत पोटात गेलेले विषारी घटक, कीड व कीटकनाशकांचे अंश हे त्याला कारणीभूत आहेत. ग्रामीण भागातील शेतकरी बांधवाना विषमुक्त शेती करण्याची प्रेरणा देण्यासाठी विवेकानंद आश्रम सेंद्रिय खते अल्प दरात उपलब्ध करून देणार आहे.

कर्मयोगी संत प.पू.शुकदास महाराजांच्या संकल्पनेतील सेंद्रिय शेती पद्धतीला प्रोत्साहन देण्यासाठी मोफत कृषी सल्ला व माफक दरात कृषी निविष्ठ उपलब्ध करून देण्याचा निर्णय विवेकानंद आश्रमाने घेतला आहे.

                                      संतोष गोरे,सचिव विवेकानंद आश्रम

संतोष थोरहाते

पत्रकार तथा प्रेरणादायी व्याख्याता

'श्रीनिवास' विवेकानंद नगर,हिवरा आश्रम

ता.मेहकर जि.बुलडाणा

मो.९९२३२०९६५८

दुष्काळात खळखळला माणूसकीचा झरा !

दामोधर गारोळे यांच्या याच शेतातील विहीरीतून
 शास्त्री नगरातील नागरिकांना केला जातो मोफत पाणी पुरवठा 

दुष्काळाच्या गडद छायेने महाराष्ट्र होरपळून निघत असतांना विहिरीच्या पाण्याने गाठलेल्या तळाने पाण्याच्या एका थेंबासाठी महिलावर्गाची होणारी परवडीचे वृत्त वृत्तपत्रातून नियमीत वाचण्यात येते. मात्र कोराडी जलप्रकल्प जवळ असतांना सुध्दा हिवरा आश्रम येथे मेहकर चिखली  रस्ता रूंदीकरणा दरम्यान जेसीबीच्या खोदकामात पाणी पुरवठा करणारी पाईप लाईन जागोजागी  खंडीत झाल्यामुळे हिवरा आश्रम वासियांना गेल्या २५ ते ३० दिवसापासून पाण्यासाठी पायपीट करावी लागत असल्याची बाब लक्षात घेऊन पाण्याविना होणारे नागरीकांची हेळसांड लक्षात घेत हिवरा आश्रम येथील कृषी उत्पन्न बाजार समितीचे संचालक तथा माजी सरपंच दामोधर संपत गारोळे यांनी आपल्या शेतातील विहिरीवरून पाईप लाईन टाकून शास्त्री नगराला पाणी पुरवठा करून आपल्या सामाजिक बांधीलकीचे दर्शन घडवून आणले. गेल्या २५ ते ३० दिवसापासून नागरीकांची होणारी पाण्यासाठी पायपीटाला यानिमित्ताने पूर्ण विराम मिळाल्याने नागरीकांमध्ये व महिलामंडीळीमध्ये आनंदाचे वातावरण निर्माण झाले आहे. दामोधर गारोळे यांचे शेत गावापासून १ किमी अंतरावर आहे. त्यांनी स्वतःच्या विहिरीवरून ३० ते ३५ पाईप टाकून शास्त्री नगराला पाणी पुरवठा केला आहे. गेल्या एक महिन्यापासून भिमनगर,वार्ड क्र.३,वार्ड क्र.२ मध्ये पाणी पुरवठा बंद असल्यामुळे नागरीकांची पाण्यासाठी पायपीट होत आहे. कोराडी धरणामध्ये जलसाठा असून देखील पाणी मिळणे कठीण झाले आहे. तरी संबंधीत ठेकेदारांनी तोडलेली पाईप लाईन लवकरात लवकर जोडून देण्यात यावी अशी मागणी यानिमित्ताने जोर धरीत आहे. या सामाजिक बांधीलकीमुळे दामोधर गारोळे यांचे कौतुक होत आहे.

 नागरिकांची होणारी पाण्यासाठी होणारी परवड लक्ष्यात घेऊन मोफत पाणी वाटपाचा निर्णय घेतला. जोपर्यंत रस्त्याचे काम काम सुरू आहे तोपर्यंत नागरीकांना नियमीत तिस-या दिवशी पाणी पुरवठा करू.

                                              दामोधर गारोळे हिवरा आश्रम

सामाजिक बांधीलकीचे दर्शन 

नागरिकांची पाण्यासाठी होणारी पायपीट  व त्रास लक्षात घेत हिवरा आश्रम येथील दामोधार गारोळे यांनी आपल्या शेतातील विहीरीवरुन पाईप लाईन द्वारे शास्त्री नगरातील नागरिकांची मोफत पाणी वाटप करून पाण्याची समस्या दूर केली. 

संतोष थोरहाते

पत्रकार तथा प्रेरणादायी व्याख्याता

'श्रीनिवास' विवेकानंद नगर,हिवरा आश्रम

ता.मेहकर जि.बुलडाणा

मो.९९२३२०९६५८