बुलडाणा जिल्हायातील रूईखेड मायबा येथील श्रीक्षेत्र शक्तीपीठ येथे माँ अंबादेवी च्या नवरात्र उत्सावाला सुरूवात झाली असून त्यानिमित्त विविध धार्मिक,सांस्कृतिक कार्यक्रमाचे आयोजन करण्यात आले आहे. रूईखेड मायंबा येथील शिवशक्तीपीठ हे शिव आणि शक्तीचा संगम असलेले तीर्थक्षेत्र आहे.दरवर्षी नवरात्र माँ अंबादेवीच्या दर्शन,पुजनासाठी भाविक मोठया संख्येने या ठिकाणी येतात. मनोकामना पूर्ण करणारी माता अंबादेवी असल्याची भाविकांची अतूट श्रध्दा आहे. चहूबाजूंनी नयनरम्य वातावरण,पक्षांची किलबिलाट, आजूबाजूला हिरवेगांर डोंगर एका छोटयाशा टेकडीवर शक्तीपिठात मॉ अंबादेवी विराजमान आहे. मॉ अंबादेवीच्या दर्शनाने मन प्रसन्न झाल्याची अनूभूती भक्तांना होते. भाविकांचे मनोरथ पूर्ण करणारे दैवत म्हणून हजारो भक्ताचे श्रध्दास्थान आहे. नवरात्र उत्सवात आपल्या मनोकामना पूर्तीसाठी भक्त दर्शनासाठी येथे अलोट गर्दी करीत असतात. शक्तीपीठाला तीर्थक्षेत्राचा क दर्जा मिळाला आहे. दरवर्षी प्रमाणे या वर्षी सुध्दा नवरात्र उत्सावाचे निमित्त विविध धार्मिक,सांस्कृतिक व प्रबोधनात्मक कार्यक्रमाचे आयोजन करण्यात आले आहे.
प.पू.शुकदास महाराजांनी विवेकानंद आश्रमाच्या माध्यमातून भक्तांचे आराध्य दैवत असलेल्या माता शक्तीपिठ मंदिर व सभामंडपाचे कामे पूर्ण झाली आहेत. रूईखेड मायंबा येथे शिवशक्तीपीठात नवरात्र उत्सवानिमित्त पंचक्रोशीतील भक्त माता शक्तीच्या दर्शन पूजनासाठी मोठया संख्येने गर्दी करतात.दिवसेंदिवस या शक्तीपिठाची ख्याती वाढत आहे.परिसरातून असंख्य भक्तांची मांदियाळी देवीच्या दर्शनासाठी नवरात्र उत्सवात मोठी गर्दी करतात.शक्तीपिठास गौरवशाली इतिहास आहे.
नवरात्रोत्सवानिमित्त भाविकांची गर्दी
नवरात्रोत्सवामुळे शक्तीपिठ मंदिराला सध्या यात्रेत्रे स्वरूप आले आहे. देवीचे दर्शन घेण्यासाठी असंख्य भाविक मंदिरात अलोट गर्दी करतात.असंख्य भाविक मनोकामना पूर्ण करण्यासाठी देवीकडे साकडे घालतात. नवसाला पावणारी देवी अशी आख्यायिका असल्यामुळे अनेक भाविक या ठिकाणी नवस बोलतात.
विविध धार्मिक कार्यक्रमांचे आयोजन
सकाळी ५ ते ६ दिंडी सोहळा,सकाळी ६ माता शक्ती देवीचे विधिवत मंत्रोच्चारात पूजन सकाळी ७ वा महाआरती सकाळी ८ ते १० ज्ञानेश्वरी पारायण,दुपारी ३ ते ५ अनुभूती ग्रंथाचे वाचन ,सायंकाळी माता शक्ती देवीची महाआरती रात्री ८ नंतर देवीच्या जागराचा कार्यक्रम सादर होत असतो.
संतोष थोरहाते
संतोष थोरहाते
पत्रकार,दैनिक सकाळ तथा पर्यावरण मित्र
'श्रीनिवास' विवेकानंद नगर,हिवरा आश्रम
ता.मेहकर जि.बुलडाणा
मो.९९२३२०९६५८
कोणत्याही टिप्पण्‍या नाहीत:
टिप्पणी पोस्ट करा