विवेकानंद कृषी महाविद्यालयाच्या कृषी विधाता ग्रुपच्या विद्यार्थीनींनी कृषी कार्यानुभव कार्यक्रम अंतर्गत हिवरा आश्रम येथे शेतक-यांना फवारणी करतांना कोणती काळजी घ्यावी,कोणत्या कीडनाशकाची खरेदी करावी,फवारणी कोणत्या वेळेस करावी,फवारणीचे द्रावण तयार करतांना कोणती काळजी घ्यावी. याबाबत शेतक-यांनी कोणती काळजी घ्यावी. याबाबत शेतक-यांनी फवारणी तंत्रज्ञान व शास्त्रशुध्द फवारणी कशी करावी यांचे प्रात्यक्षिक करून दाखविले. यावेळी साहेबराव लहाने, संतोष पिठले, सुनिल टेकाळे, विशाल काकडे, गुलाबराव तुपकर यांच्यासह परिसरातील शेतकरी मोठया संख्येने उपस्थित होते. विवेकानंद कृषी महाविद्यालयाच्या कृषी विधाता ग्रुपच्या विद्यार्थीनींनी शेतक-यांना फवारणी करतांना कशी करावी,उंच झाडावर फवारणी करतांना कोणती काळजी घ्यावी,फवारणी झाल्यानंतर कीटकनाशकांच्या डब्याची विल्हेवाट कशी लावावी.फवारणी केलेल्या क्षेत्रावर जनावरांना किती कालावधीनंतर चारण्यासाठी न्यावे याबाबत प्रात्यक्षिक करून महत्वपूर्ण मार्गदर्शन केले. विवेकांनद कृषी विधाता ग्रुपमध्ये काजोल पाटील,नितु जुनघरे,शिवगंगा मिसाळ,कांचन सिरसाट,स्नेहल घुगे,जुही परचाके,वैष्णवी बोर्डे,भावना सरोदे,प्रज्ञा बागडे,निकीता होने या विद्यार्थीनींचा समावेश आहे. कृषी विधाता ग्रुपच्या विद्यार्थीनींना प्राचार्य डॉ.सुभाष कालवे, प्रा.मनोज खोडके, प्रा.डॉ.भानुदास भोंडे, प्रा.मंगेश जकाते, प्रा.समाधान जाधव,प्रा.शिवशंकर काकडे यांचे मार्गदर्शन लाभत आहे.
अशी घ्यावी खबरदारी
कीटकनाशकावरील सूचनांचे काटेकोरपणे पालन करावे. शेतक-यांनी हिरवा त्रिकोण असलेल्या कीटकनाशकांची खरेदी करावी. शेतक-यांनी फवारणी करतांना हातमोजे,मास्क,टोपी,प्रान,पूर्ण पँट व गॉगल इत्यादीचा वापर करावा. फवारणी दरम्यान नाक,कान,डोळे यांचे रक्षण करावे.फवारणी दरम्यान लहान मुले,जनावरे,पाळीव प्राणी यांना दूर ठेवावे. फवारणी करतांना वापरलेली भांडी,साहित्य,नदी किंवा विहीरीजवळ धुणे टाळावे. कीटकनाशकावरील सूचनांचे काटेकोरपणे पालन करावे,फवारणी नंतर साबनाने हात,पाय स्वच्छ धुवावे.
विवेकानंद कृषी महाविद्यालयाच्या कृषी कार्यानुभव कार्यक्रमा अंर्तगत कृषी विधाता गु्रपच्या विद्यार्थीनींनी ग्रामीण भागातील शेतक-यांना फवारणी संबधी प्रातयक्षिक व महत्वपूर्ण मार्गदर्शन केले. कृषी विधाता ग्रुपच्या विद्यार्थीनींच्या फवारणी तंत्रज्ञान मार्गदर्शनाचा परिसरातील शेकडो शेतकरी बांधवांना लाभ झाला.
डॉ.सुभाष कालवे,प्राचार्य विवेकानंद कृषी महाविद्यालय
संतोष थोरहाते
पत्रकार, दैनिक सकाळ
'श्रीनिवास' विवेकानंद नगर,
हिवरा आश्रम,ता.मेहकर जि.बुलडाणा
मो.९९२३२०९६५८
कोणत्याही टिप्पण्या नाहीत:
टिप्पणी पोस्ट करा